كلمة د. محمد البرادعي لأعضاء حزب الدستور بمناسبة مرور 10 سنوات على تأسيس الحزب

من احتفال حزب الدستور الليلة : في أول ظهور له منذ ٢٠١٤ ، كلمة د. محمد البرادعي لأعضاء حزب الدستور بمناسبة مرور 10 سنوات على تأسيس الحزب

• أنا سعيد إن يجيلي الفرصة أتكلم معاكم النهاردة

• بمناسبة الاحتفال بـ 10 سنين على إنشاء حزب الدستور

• 10 سنين دي كانت مدة طويلة وصعبة

• وفيها حاجات كتير أوي ممكن نتكلم فيها

• إنما أنا عاوز أتكلم النهاردة عن المستقبل

• ده الأهم، وده اللي لازم نركز عليه

• اما عملنا حزب الد....، بعد ما...

• بعد ما قدرنا ان احنا نغير راس النظام في 2011

• كنا عارفين إن دي بداية، مجرد بداية

• وإن مش بس المهم تغيير رأس النظام

• وانما تغيير شكل النظام

• وده اللي قامت الثورة عشانه

• اما قومنا في 2011، طالبنا بـ إيه؟

• طالبنا بحرية، عيش، عدالة اجتماعية، كرامة إنسانية

• ودي.. الحاجات دي اللي لسه كلنا محتاجينها

• بعد 10 سنين، بعد 20 سنة، بعد 100 سنة

• لإن هي دي أساس أي مجتمع في سلام مع نفسه

• وقادر يتقدم للأمام، اجتماعياً، اقتصادياً، سياسياً

• دي الركائز، زي ما بنقول عليها

• اما عملنا حزب الدستور قعدنا مدة نفكر... نسميه إيه؟

• وفي الأخر قررنا نسميه الدستور

• ليه؟

• لأن كانت قناعتنا ولزالت

• ان لابد يكون فيه من خلال دستور توافقي

• توافق اجتماعي، عقد اجتماعي جديد بيقول احنا هنعيش سوا ازاي؟!

• وطبعاً اما كنا بنتكلم عن الدستور، بنتكلم على دستور ديمقراطي

• بمفهوم بيضمن الحاجات بردو اللي إحنا طالبنا بيها

• ونزلنا عشانها في 2011

• حرية، ضمان حرية، حقوق إنسان، عدالة اجتماعية

• وده بنحققه ازاي؟!

• بنحققه عن طريق ركائز دستورية معروفة لأي نظام ديمقراطي

• سلطات مستقله، توازن بين السلطات، رقابة، محاسبة

• يعني كل الحاجات اللي احنا عارفنها في أي دستور ديمقراطي

• واما قولنا كدة مكناش عاوزين نخترع العجلة

• كنا عاوزين نشوف اللي قبلنا عمل ازاي ونعمل زيه

• طبعاً للأسف مقدرناش

• والدستور بدل ما يستعمل كـ ركيزة لبناء توافق وطني

• استعمل كـ أداة لتأجيج الخلاف الوطني

• يعني احنا عملنا 7 دساتير في 3 سنين!

• which is حاجة ممكن تخش الـ Guinness book في Record يعني

• المهم، ما علينا، ده كان الهدف من اسم الدستور

• ومازال الهدف من اسم الدستور

• إن يكون في دستور نبني عليه المستقبل

• البلد اللي احنا عايزين نعيش فيها سوا

• أهمية المجتمع المدني اللي أنتم جزء منه

• ده بردو حاجة بحب أركز عليها

• لأن أي تغيير مش هيجي من فوق، هيجي من تحت

• من تحت بمعنى، الشـعـــب

• انما الشعب كدة مانقدرش نقول الشعب

• الشعب لازم يكون ليه تنظيم، ليه رؤية، ليه هدف، ليه توافق

• وده بيتم عن طريق أدوات مجتمع المدني

• أولها طبعاً

• إعلام مستقل اللي بيضمن المحاسبة والرقابة وتعددية الآراء وغيرة

• الأحزاب، الجمعيات، النقابات

• ولذلك بردو يعني حتى بعد 10 سنين، مازالت بردو أهمية المجتمع المدني

• اللي انتوا بردو جزء أساسي منه

• واللي بهدفه تداول السلطة والرقابة على السلطة والمشاركة مع السلطة

• أنتوا الجزء الأساسي واللي احنا محتاجينه النهاردة اكتر من أي يوم

• حتى من 10 سنين

• عاوزين تكون المجتمع المدني في المقدمة

• مجتمع مدني قوي ومستقل وقادر

• ده اللي احنا عاوزينه

• وانتوا نواه في هذا

• مازال يعني...

• في الأخر عاوز أقولكم إن أنتم

• أعضاء حزب الدستور النهاردة انتوا نخبه

• وإنما مش نخبة بالمفهوم اللي احنا بنتكلم فيه

• وللأسف يعني، محناش أحسن حاجة، إما بنتكلم عن نخبة عندنا

• إنما انتوا نخبة لأنكم أمنتم بفكرة ومش بشخص

• وده يعني اللي يطلق عليه الإيمان بالصالح العام

• بالـ Public Good زي ما بنقول

• ده اللي احنا محتاجينه النهاردة أكتر من أي شيء

• مش خلافات شخصية ولا منافع شخصية

• وإنما... إيمان بالهدف العام وإيمان إذا حققنا الهدف العام

• هيعود علينا كلنا كـ أشخاص بمنفعه

• يعني مش عاوز أطول عليكم إنما عاوز أشكر جميلة

• اللي اتاحت لي الفرصة إني أتكلم معاكم النهاردة واقولكم

• ربنا يوفقكم وهيوفقكم بإذن الله

• وزي ما بقول ديماً ... نعم ومعاً نستطيع

• ومعاً نستطيع ان نغير وطنا إلى الأمم وإلى المستقبل الزاهر بإذن الله