قناة “الشرق” تدخل عامها الـ12 وهي تحمل صوت الناس وتكتب حكايتهم من جديد
في حلقة استثنائية من برنامج “إيه الحكاية”، أعلنت الإعلامية دعاء حسن انطلاق العام الثاني عشر لقناة “الشرق”، مؤكدة أن القناة لم تكن يومًا مجرد وسيلة إعلامية، بل كانت وما زالت “حكاية وطن” وصوت الناس الذين رفضوا الصمت.
وقالت دعاء خلال كلمتها المؤثرة: “في زمن بيتغيّر فيه كل شيء، وفي عالم بيتكتَّم فيه الصوت، كان لازم تفضل في حكاية بتبدأ كل يوم من جديد… مش على الشاشة بس، لكن في قلوب الناس اللي قررت تصدّق وتكمل وتحكي.” وأضافت: “إحنا مش بنتكلم عن قناة… إحنا بنتكلم عن مقاومة… عن كام مرة وقفنا فيها وقلنا ‘الحق’، وقت ما غيرنا سكت أو تعب.”
واعتبرت دعاء حسن أن استمرار “الشرق” رغم كل الصعاب والهجوم والحصار، هو أكبر دليل على أن القناة ليست مجرد شاشة، بل شاهد على الحقيقة، وضمير إعلامي حر، قائلة: “في السنة الـ12، مش عايزين مشاهدين… إحنا عايزين شركاء. اللي شايف إن في أمل وإن الحقيقة مش تهمة… هو مننا، وإحنا صوته.”
وختمت كلمتها برسالة واضحة ومباشرة: “مش هنطفي النور… ومش هنقفل المايك… لأن اللي بيختار الصدق، ما يعرفش غير طريق واحد: يكمل.”
الجدير بالذكر أن قناة “الشرق” انطلقت في ظروف عصيبة قبل 12 عامًا، لتكون أول منصة مصرية عربية تتبنى صوت الشعوب، وتواجه الرواية الرسمية بصوت الحقيقة، ولا تزال مستمرة في أداء دورها رغم كل التحديات.
