مطرب مهرجانات: السبكي رفض يسلم عليا، وقاللي مبنساعدش حد
كشف مطرب المهرجانات مسلم عن موقف سيئ جمعه بالمنتج أحمد السبكي
قائلاً: “كنت صغير ونزلت القاهرة ذهبت للسبكي، دخلت ومددت يدى له بالسلام لكنه رفض السلام عليا، ونظر لى من فوق لتحت وقالي يالا يابني على إسكندرية مبنساعدش حد هنا، ومشيت من الدقي لصلاح سالم ببكى ومنهار، لكن بشكره دلوقتي لأنه أعطانى طاقة وغل للشغل، ووصلنى للى بحلم بيه لكن عمري ما أنسى هذا الموقف وطلب منى أشتغل معاه ورفضت، وإبنه كريم صاحبي وعندي أغنية في فيلم شقو، وهناك دور فيه نجوم كبيرة مثل ماجد الكدواني وعمرو عبد الجليل”.
وقال مسلم، خلال استضافته ببرنامج “أسرار” مع الإعلامية أميرة بدر المذاع على قناة النهار: “عمري ما اتخانقت مع بيكا وشاكوش وعمر كمال، وكانوا ناجحين مع بعض لكن دلوقتي خلاص عشان مطوروش من نفسهم، كانوا بيعملوا الموسيقى واحدة وبيغيرو الصوت بس مفيش جديد، مفيش سكة جديدة، اللي نجح ويجز وعفرتو لأنهم عملوا سكة جديدة، وطوروا من نفسهم ولما كنت في حفلاتهم لقيت ناس سنها كبير في الحفلة”.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
